وەزارەتی دارایی و ئابووریی حکومەتی ھەرێمی کوردستان ڕایدەگەیەنێت کە ڕۆژانی یەکشەممەو دووشەممەی ھەفتەی داھاتوو موچەی مانگی ئەیلولی ٢٠١٥ی ئەنجومەنی ئاسایش و دەزگای گشتیی ئاسایش دابەشدەکرێت.
ئەوەش لەکاتێکدایە، بەرپرسانی یەکێتی مامۆستایان ڕایگەیاندبوو کە سەرەتای ھەفتەی داھاتوو موچەی مامۆستایان دابەشدەکرێت.
دەقی ڕاگەیەندراوەکەی وەزارەتی دارایی:ڕاگەیەنراوێک لە وەزارەتی دارایی و ئابووریی حکوومەتی ھەرێمی کوردستانەوە.
لە بەردەوامیی پرۆسەی دابەشکردنی مووچەدا، وەزارەتی دارایی و ئابووریی حکوومەتی ھەرێمی کوردستان ڕۆژانی یەکشەممە و دووشەممە بەرواری ١٠ - ١١ / ١ / ٢٠١٦ مووچەی مانگی ئەیلوولی ئەنجومەنی ئاسایش و دەزگای گشتیی ئاسایشی ھەرێمی کوردستان دابەش دەکات.
وەزارەتی دارایی و ئابووری
