ماسیکرانۆى بەرگریکارى بەرشەلۆنە بەنیاز نیە لەیانە کەتەلۆنیەکە کۆتایى بەژیانى وەرزشی بهێنێت.
ماسیکرانۆى بەرگریکارى بەرشەلۆنە لەلێدوانێکیدا ڕاى گەیاند، لەو باوەڕەدا نیە لەبەرشەلۆنە کۆتایى بەژیانى وەرزشی بهێنێت و مانەوە لەو یانەیە لەگەڵ تێپەڕبوونى کات قورس دەبێت.
ناوبراو ئاماژەى بەوەدا، بەرشەلۆنە پێویستى بەیاریزانى زۆر بەتوانا هەیە کە لەسەرجەم یاریەکاندا باشترین ئاست پێشکەش بکات.
وتیشی من ئێستا تەمەن 31ساڵە و بەشداریکردنم لە 70یارى بەرشەلۆنە لەساڵێکدا زۆر قورسە و لەهەمانکاتدا ناتوانم باشترین ئاستم پێشکەش بکەم.
بۆیە پێموایە ناتوانم لەبەرشەلۆنە کۆتایى بەژیانى وەرزشیم بهێنم لەکاتێکدا کەدەمەوێت ماوەیەکى زۆرتر لەتۆپی پێدا بمێنمەوە.
ماسکیرانۆ لەگەڵ بەرشەلۆنە چەندین نازناوى بەدەست ھێناوە و هاوکات لەگەڵ هەڵبژاردەى ئەرجەنتین توانى پلەى دووەمى مۆندیالى 2014 دەستەبەربکات.
nrt
